Konsaltinq Təlim Təchizatçısı (KTT)yüksək keyfiyyətli iş təmin edən konsaltinq və təlim şirkətidir. 2018-ci ilin fevral ayında yaradılan şirkət müvafiq səriştəyə, bacarığa, təcrübəyə və lazımi beynəlxalq və yerli sertifikatlara malik yüksək peşəkar kadrlardan təşkil olunmuşdur.
Şirkət öz ərazisindəki və müştərilərlə müqavilələr əsasında onların ərazilərindəki bütün növ sənaye sahələri üçün Sağlamlıq, Əməyin Təhlükəsizliyi və Ətraf Mühitin Mühafizəsi üzrə konsaltinq və təlimlər keçirir.
Heyət Müştərilərin tələblərini qane etmək üçün müvafiq təcrübəyə malikdir və işləri Müştəri tərəfindən asanlıqla başa düşülən və keyfiyyətli şəkildə qəbul edilən formada həyata keçirir. Peşəkar məsləhətçilərimiz təşkilatların normativ-hüquqi qanunauyğunluğa nail olmaları və öz işçi qüvvələrini müdafiə etmələri üçün bütün sahələrdə onlara SƏTƏM (Sağlamlıq, Təhlükəsizlik, Ətraf Mühitin Təhlükəsizliyi) üzrə konsaltinq dəstəyi təklif edir.
KTT-də geniş təcrübə və biliyimizə əsaslanaraq SƏTƏM qiymətləndirməsi, İşlərin təhlükəsiz icrasının təmin edilməsinin inteqrasiya olunmuş sistemi (İOSH) və Yerli FHN tərəfindən təsdiqlənmiş təlimlərin keçirilməsində köməkliyə və İSO standartlarına uyğunluqda dəstəyə ehtiyacı olan müəssisələrə əvəzolunmaz xidmət təklif edə bilərik. Keyfiyyətə olan bağlılığımız, təqdim etdiyimiz işin standartı və müştərilərlə uzunmüddətli, davam edən münasibətlərimizdən aydın görünür.
KTT-də biz şirkətinizin ehtiyacı olduğu zaman məsələnin birbaşa həlli olmaqdan qürur duyuruq. İşinizi istədiyiniz kimi idarə etməyinizə hörmət edirik. Vəzifəmiz– sizdə bütün Keyfiyyət, Sağlamlıq, Təhlükəsizlik və Ətraf Mühit ehtiyaclarınızın qarşılandığı inamını yaratmaqla dəstək olmaqdır.